影片
更多
2022-11-23
2700 浏览
今日老婆又要过嚟「翠屏」参加义工活动，所以，趁过开嚟，但同佢晌观塘区食餐饭，因为我哋住西九龙呢边，东九龙就少去啲。讲到晌观塘揾食，就唔可以唔提啲厂厦、商厦内嘅食肆，有不少卧虎藏龙嘅楼上铺。就好似今次晌网上揾到嘅「Thai Fire」，确喺一家有水准嘅摩登泰菜馆。比起厂厦，商厦啲大堂呀、通道呀，感觉会喺好好多。而踏进餐厅，感觉唔同晒，一室木系装修，加上少少灯光装置，以及挨墙一边梳化椅，放咗好多盆栽，予人感觉有份小清新，有别传统泰菜馆所见到嘅神神佛佛咁，再者，成个场嘅环境都几大，此刻人客又唔太多，感觉写意。睇环境就知呢度唔喺卖传统泰菜，所以，就连餐具，都有刀有叉，亦有筷子，再睇睇餐牌，就见晌泰菜中，加入好多西式元素。先介绍基本午市嘅餐牌，呢组午市套餐喺长期都有，共5款选择，仲有小食加配优惠，而且，无限制加配几多，店员仲话依家有个额外推广，就喺加配两样只需$50，另外，午餐包一杯基本饮品，亦可加钱升级至其他饮品。除咗上述嘅固定午餐，仲有个每星期都转款嘅特色午餐，呢个餐牌就比较西式啲，都喺等客人多个选择，同样包一杯基本餐饮，以及小食加配优惠。椰子鸡汤 $28店员推介佢哋嘅椰子鸡汤，因为无添加，
比起厂厦，商厦啲大堂呀、通道呀，感觉会喺好好多。而踏进餐厅，感觉唔同晒，一室木系装修，加上少少灯光装置，以及挨墙一边梳化椅，放咗好多盆栽，予人感觉有份小清新，有别传统泰菜馆所见到嘅神神佛佛咁，再者，成个场嘅环境都几大，此刻人客又唔太多，感觉写意。
睇环境就知呢度唔喺卖传统泰菜，所以，就连餐具，都有刀有叉，亦有筷子，再睇睇餐牌，就见晌泰菜中，加入好多西式元素。
先介绍基本午市嘅餐牌，呢组午市套餐喺长期都有，共5款选择，仲有小食加配优惠，而且，无限制加配几多，店员仲话依家有个额外推广，就喺加配两样只需$50，另外，午餐包一杯基本饮品，亦可加钱升级至其他饮品。
除咗上述嘅固定午餐，仲有个每星期都转款嘅特色午餐，呢个餐牌就比较西式啲，都喺等客人多个选择，同样包一杯基本餐饮，以及小食加配优惠。
椰子鸡汤 $28店员推介佢哋嘅椰子鸡汤，因为无添加，咪睇佢「白潺潺」，入口真喺几鲜甜吓，好香椰子味，更唔会有泛油嘅毛病，够晒清甜。
椰子鸡汤
$28
21 浏览
0 赞好
0 留言
泰式鱼饼一向喺出名嘅泰式小食，不过，呢碟卖相就做得特别精致。鱼饼大大件，煎得甘香，外层好脆口，又有啲焦脆感，鱼味浓，口感弹牙，唔喺沟粉货色，沾上自家制酸香带微甜嘅酱汁，更具层次。
泰式鱼饼
$32
33 浏览
0 赞好
0 留言
泰式无骨凤爪 $28去晒骨自然好方便易食啦，啲凤爪好爽口，凉凉哋，但嗒落啲辣劲就出晒嚟，唔喺讲笑，真喺几辣、几刺激吓，不过，配合埋阵阵嘅酸味，就好醒神。
烩纽西兰牛肋条伴青咖喱汁白饭 $98主菜小弟就选牛肋条，份量好十足，牛肋条唔止大大条，仲有成5条之多，堆到成座小山，咬落去松化到不得了，真喺无牙嘅都咬得开，而且，又富肉香；沾上青咖喱汁，又辣又香，𠮶份咖喱香喺丰厚唔寡，净喺啲汁，都可以捞饭食晒成碗。
烩纽西兰牛肋条伴青咖喱汁白饭
$98
27 浏览
0 赞好
0 留言
香煎石斑鱼柳伴鲜蕃茄莎莎汁粗薯条 $98老婆近排睇紧中医，要佢尽戒红肉，所以，呢一道煎石斑就合晒佢心水。条连皮鱼柳煎得金黄，放入口，外皮香脆，鱼肉好滑溜，佐以蕃茄莎莎，酸活清爽。另外，薯条炸得香脆不腻，伴菜嘅西兰花，都煎炒过，唔喺烚完就算，有诚意。
香煎石斑鱼柳伴鲜蕃茄莎莎汁粗薯条
$98
18 浏览
0 赞好
0 留言
热柠水、水蜜蜜 +$28餐饮方面，老婆就比较唔多心，简单柠水就可以喇，而小弟拣咗辣嘅主菜，所以，饮品升级要杯水蜜蜜爽吓兼解辣。以蜜桃梳打为主，再加有奇亚籽及蜜桃啫喱，几好饮㖞，清爽又清甜，有啲啫喱啜吓，奇亚籽又富营养。
临走，店员仲话佢哋有做圣诞到会，睇番啲单张，除散点之外，更有提供20-40人嘅套餐，选购套餐或消费至指定金额都有免费送货，较适合大棚人或公司客，顺便摆埋出嚟俾有兴趣嘅人参考吓。
今餐加配咗啲小食，所以，非常丰富，最紧要喺啱口味，太辣我就唔OK，呢类中辣都无问题，而环境又舒服宽敞，招呼确喺唔错，值得推介晌附近返工嘅老友。
张贴
