九州市場 (已結業)

星期六经过见午餐都唔贵，就同男朋友入去食，叫左吉列香草鸡扒拉面($28,若为学生就$26)及烟鸡拼鸭胸乌冬$32,各配一碗面豉汤。碗面豉汤几好饮，不过唔知系唔系太浓，到食碗面时就觉得个汤底无味，我要劲落七味粉先食得落。不过d面同d乌冬既份量真系好多。另外我个吉列香草鸡扒系另上既，但个姐姐放上台时太大力将其中一块鸡弹左落台面，当时大家都呆左，我谂住个姐姐会say sorry及换个碟俾我，点知姐姐定左一阵见我地无反应就咁就走左去，我地好疑惑系去换一碟新定系当无事，结果一去无回头。我地就夹番块鸡啦，可见服务真系差。不过块鸡扒就几好食，真系好浓既香草味又炸得好脆。d烟鸡就好似香肠，鸭胸都系普通啦，埋单$66。