LM Cafe (已結業)

今日同同事去开观塘出duty，之前听friend讲LM Cafe几抵食，上餐又快，啱晒食完Lunch 又要返工嘅打工仔。入面环境唔错几舒服，空间几大，位置又多，所以12点几去到都好快有位唔洗等。我叫左香蒜牛油带子意粉，带子份粮都几多，食落几鲜甜，意粉软硬度啱啱好，再加埋香蒜嚟炒，味道好够又唔会油腻。套餐跟沙律同餐汤，沙律清新，罗宋汤酸酸地几开胃。餐饮可以拣特色饮品，试左Green Tea Latte，好浓好滑，真心推介一试。另外，蜜糖鸡翼煎得皮脆好香，入面好juicy,配埋蜜糖一齐食，令人越食越想食。