川之源 (寶豐大廈) (已結業)

今日同朋友想食川菜辣野，就揾到呢间川之源，原来我之前食过佢其中一店舖系西营盘，我记得好好食，今次我地午餐拣左系正街1-7号既楼上舖。午餐佢有一人餐或者二人餐，咁我拣二人餐既第一个款，选左蒜泥白肉、水煮鱼片、酸辣土豆丝。服务员服务都好好，一开头就问清楚我地食唔食得辣，上菜后又问我地接唔接受到个辣度，又怕我地会唔会热。水煮鱼片入面啲鱼好滑，好大块而且份量好多，仲有宽粉同芽菜，味道好香。午餐黎讲，两个人食左$248，食到咁多，性价比算高。