好呷台灣火鍋

营业中

休息中

呢间台式火锅系人气店，平时好多人等位。午餐早到唔使等位，非常好。我哋叫咗$98一位60分钟限量火锅，佢嘅台式熟食系自助放题形式，种类非常多，仲有好多台式饮品，包括珍珠奶茶都系任饮，所以午餐净系熟食都够做。餐厅都好干净，食物分类做得好好，例如有一边系专放菜同丸，另一边系专访台式熟食同饮品。全部嘅种类都好多，好难一次过讲晒。汤底只有两款系唔使加钱，我哋叫咗酸菜腩肉，几开胃。另外佢限量嘅肉质素都非常好。不过都系𠮶句，食佢啲台式熟食已经好满足，甚至令到我食唔晒啲肉😂例如有台湾香肠、盐酥鸡、炸豆腐，仲有好多好多。