柳氏家 (已結業)

之前喺韩国读书间唔中都会去柳氏家食炒辣鸡，听到黎左香港开分店都几兴奋，今次黎左食lunch 尝试揾番喺韩国既味道😀午餐有分60同90分钟，我地拣左90分钟想慢慢食冇咁急。有四款口味可选，本身唔算食得辣但又想揾番韩国既味道，就拣左柳氏家辣炒鸡，两只辣椒既辣度🌶🌶见到加多$10就可以食埋铁板火锅😍亮点系无限次追加拉面等配料😂咁抵就梗系加埋啦！火锅汤底都系拣番辣汤，今日突然冻番食辣最岩呀😆落完单急不及待去自助区攞野食喇！净系饮品都有咁多款，样样都想饮呀！隔黎既雪糕柜又系令人感到兴奋😍自助美食区有好多野食呀！有炒粉丝、泡菜炒五花肉、炸饺子、鸡翼等，好丰富，样样都中意食，拎拎下拎左一大碟😂炒辣鸡既材料好快就准备好，店员会帮忙炒嫁，我地专心食拎番黎既野食😂店员炒左7-8分钟左右就熄火，香喷喷既辣鸡就食得喇😝鸡肉好嫩，其实韩国辣椒酱真系唔系劲辣果种，仲带有少少甜，好好味。年糕吸左酱汁好正！食完鸡我地就示意想转火锅喇！倒入特制辣汤同各种材料，好快就滚起食得。韩国拉面真系好味，食完劲暖胃同大满足！