銀座蔵人 (已結業)

系湾仔食晏、最平30/40 蚊一碗面有，过200/位既都有。 咁有时食平当然有时都可以厚待自己一下啦。 厚待唔系净系讲紧价钱，仲有个品质既。 系华美酒店1楼呢个日菜，系我认为想厚待自己时既其中一个好选择。 午市都好旺场，要做定要等位既心理准备。餐牌上大多系定食既选择，通常系鸟冬搭配寿司。 今日拣既系腐皮乌冬搭葱吞拿鱼饭定食。 先讲茶碗蒸，滑既对路既，但水多左啲，即系稀左啲啲咁。 到个乌冬，腐皮大大块。 乌冬系比较稔身，汤清淡但唔会寡，其实食完都饱左大半。 最后葱吞拿鱼饭。首先，啲葱吞拿鱼，好。重。手。好似个肉饼咁舖系个饭面。 我觉得系绝对够捞均成个饭，但因为有预感食唔完所以我就无捞哂，边食边捞。 个饭有惊喜，因为除左吞拿鱼同葱，原来仲仲有银鱼仔同冬菇粒。呢两样野香得黎硬少少又加强返个口感，我认为系用心谂过既 餐后仲有餐茶同一球雪糕。成个份量应该系一位男士都会觉得满足既。系酒店餐厅食日本野饱仲要几好味都系百2蚊到，我觉得系耐唔时想食好啲既好选择。