IKI Teppanyaki Bento (已結業)

好耐之前食过哩到晚餐，觉得性价比比较低，所以好耐未食过啦。今次约咗阿爸阿妈出嚟荃湾行街兼食晏，见佢lunch都系$60 左右一个餐，一于再试下先！佢每日都会拣一个指定嘅套餐价，今日系薄烧牛肉＄48套餐包左沙律，汤，白饭。我哋叫咗一个二人餐＋1个＄48餐。二人餐包括沙律，汤，饭有白饭同杂菌饭拣。𩠌菜方面有一客煮猪软骨，跟住喺几款铁板烧之中可以拣两款，我哋拣咗烧牛柳同烧羊柳。大部份嘅味道都唔错，够热，但系猪骨唔够淋！值得一提嘅系佢嘅杂菌饭好好食！有机会可以再试下其他口味！