IKI Teppanyaki Bento (已結業)

假期最後一天今日黎荃灣廣場行街見到IKI有午市套餐價錢都接受到所以就試下二人餐$138有一個豬軟骨野菜鍋配 兩款燒肉今次就選左燒羊肉 同埋比目魚配香菇飯 味噌湯 同沙拉豬軟骨燜得好淋而且幾入味羊肉正常 有羊味比目魚有d太削但味道ok香菇飯稍嫌麻油味太重蓋過左原有既菇味如果麻油分量少啲就好啦另外仲叫左個七味牛肋條餐$58同樣有沙拉有湯有香菇飯但個牛肋條太韌要哂好多牙力唔太建議食牛總括黎講尚算ok係商場入面 價錢都算相宜

16-10-2017 (Mon)同老公放假,晏晝出動搵o野食,我o地決定去荃灣廣場行同食,記得7號o個日經過呢間,覺得唔算貴,於是走o黎,由於平日而且已經過o左lunch o既peak hour,所以唔多人,我o地坐低後,決定要特價$48.00o既黑豚肉生薑燒定食同$68.00o既挪威比目魚扒雙拼定食,揀o左日本宮崎雞扒.落完單,侍應即刻捧上兩碗麵豉湯同沙律o黎,我先食沙律,係雜菜沙律,而且唔少, 雜菜新鮮,而沙律汁只係千島汁,但原來唔係,加o左wasabi,令個汁好似變o左做腐乳.冇耐,老公o既挪威比目魚扒雙拼定食o黎到,然後係我o既黑豚肉生薑燒定食,我o地開飯喇.先食比目魚扒,唔大件,肉滑,味道亦清淡,蘸海鮮汁食會好食啲.然後食日本宮崎雞扒,好香脆,幸好仍有肉汁,OK.黑豚肉生薑燒,薄切黑豚肉燒得香脆,味道唔太鹹,同樣蘸燒汁食,好味啲.白飯正常不過,冇問題.香菇飯,係挪威比目魚扒雙拼定食中可以揀o既,飯粒比較濕潤,當然呢個飯比白飯多調味料o既味道,呢個好好食,內裡又有雜菇,OK.最後就飲埋碗麵豉湯,內裡有海帶同豆腐,湯唔係開粉貨色,亦唔會過鹹.但老公一開始就發現佢o既辣椒醬好好味,

近排唔係打十號颱風就係打八號颱風，攪到日日屋企都無飯開。今天剛剛落了八號波就即刻出去搵餐廳食飯。打風後去商場食飯是常識，今天就來到荃灣廣場嘅IKI日式餐廳吃午飯，原來間餐廳換了新餐牌，抵食夾大件。今次叫了一個二人套餐。雜菜沙津前菜：份量足👍安格斯牛柳：牛肉食落很軟，是有水準嘅牛柳。😋比目魚：食落似銀雪魚，so yummy香菇飯：份量大而好味道，食過翻尋味

八號風球落左，即刻出荃灣廣場食野，成個商場好多食肆都未開，見到IKI開左，以前中過伏，覺得又唔貴份量又少，掙扎左一陣，決定比多次機會佢。入到餐廳，見到餐牌，發現套餐價錢平了很多，二人餐一百三十元左右就有，一人餐六十多元可選兩款鐵板燒，我們一行四人叫了兩個一人餐及一個二人餐，有香菇飯、麵鼓湯、多款鐵板燒，而份量比以往多很多，以前叫四個餐唔夠食，宜家居然食唔曬，很大既進步。其中燒比目魚同七味牛肋條最好味，還有要安格斯牛柳亦很好味，今次選了七成熟，煮得剛剛好。還有要讚一讚沙律份量十份足夠，沙律汁唔知係咩來，但好好味，這間本來black list再既餐廳今次之後可翻身，我應該會再幫襯

又到星期天荃灣覓食日！天氣真係熱得令人抖不過氣所以這天決定走入商場搵食，本來諗住去蒲田不過看看餐牌總覺得午餐好似唔係幾啱食，最後搵到呢間IKI是吃鐵板燒的，看午餐價位頗抵食那便決定選它啦！ 檸檬梳打＄48/jar這個價錢性價比十分高因為足足有6小杯之多，檸檬梳打味道酸酸的好開胃，最合我這個愛酸又愛有氣的小朋友口味。 最終我倆選了雙人午餐定食套餐＄138，套餐內有胡麻沙律一客、麵豉湯兩碗、豬軟骨雜菜鍋 一份、鐵板燒雞扒及安格斯牛柳，另外可揀選白米飯及香菇飯我倆當然選擇各一，陣容鼎盛都咪話唔豐富呢！ 胡麻沙律是當客人點餐後由侍應即時加上胡麻汁奉上，用上西生菜、車厘茄及紅洋蔥也尚算新鮮！ 麵豉湯汁沒太大驚喜聊勝於無吧！ 豬軟骨雜菜鍋炆得都算酥軟，豬軟骨能易輕易咬破而且亦都算入味質素還可以吧！ 先到來的是車爸爸點選的安格斯牛柳份量都頗多喔！ 點了五成熟的安格斯牛柳熟度做得恰好！車爸爸描述肉質軟淋富牛肉香味，所以他吃得很滿意呢！ 而我則點選了鐵板燒雞扒估唔到又幾有驚喜喎！雞扒燒得皮脆肉嫩而且同樣地分量十足，其實呢個套餐我哋兩個人基本上係食唔曬囉！ 香菇飯係就係有菇味但係我覺得唔份香口！我

生日週朋友不停同我安排慶生活動今日朋友B帶我去吃鐵板燒晚上食飯時間係一個咁熱鬧嘅荃灣廣場入邊好多間餐廳都企滿等位食飯既人朋友就帶左黎呢一間食鐵板燒嘅餐廳一入到去小貓幾隻都知道應該普普通通朋友就叫咗個海鮮牛柳粒餐及鵝肝多士餐奉上沙律及味噌湯普通貨色冇乜大特別之後就上咗我哋嘅鐵板海鮮及牛柳粒食落口唔會覺得啲海鮮新鮮味道中規中矩唔會覺得唔好食但係又唔會覺得要再黎食而牛柳粒就出事我哋叫咗五成熟食落口肉質硬到唔想再食最終我哋竟然係食剩嘅多士亦不得了塊面包唔脆口比啲油浸到腍左都唔緊要最重要嘅係有乜可能塊鵝肝係'梅'嘅人咁少實有佢嘅原因我相信唔會再有下次

之前見勁多人排諗住會ok 跟兩個星期已經繁忙時間都唔駛等 咪諗住試下 結果係咁1.師傅全程玩住電話黎整 好有親切感2.個沙律好多水 非常新鮮3.啲牛熟到唔駛質疑佢幾成熟 4.三文魚幾好 熟晒唔驚有蟲 5.所有野都少鹽 非常健康6.所有野放埋一齊 味道大融合 不得了7.散叫既牛舌都幾冧 原味的8.環境幾好架☺️呢樣真9.冷氣足夠10.人少少夠靜可以傾計 好似係咁11.埋單兩個人兩個餐加埋四百蚊 令人思考通漲既問題真係愈黎愈嚴重

今天晚上在IKI 叫了二人龍蝦套餐再加羊排及鵝肝。但是師傅竟然一次過上哂所有嘢，點食得切呢。而且飯又唔炒，只是白飯，咁點算係䥫板燒專門店呀。令人失望。以佢嘅價錢，巳後都冇乜機會再來。

門口職員友善，介紹特價午餐，那麼便入去吃罷。特價午餐每日只有一款，今天是雞扒。味噌湯：如一般地好飲沙律：比我想像多菜，開心。如果沙律醬分開上更好，因為唔知係佢落得多汁定D菜出水，濕咗D, 可見圖片。飯 : 一般，雖然是珍珠米，並不是好味的那款珍珠米雞扒: 份量足，但雞肉不好味，食唔落全部。雞肉冇味，因為D鹽味全在雞皮，肉好啖冇味，這個以後不會再叫了！順帶一提，加一收費跟正價。$48+6=$54

豬軟骨野菜鍋 醬汁有少少甜，豬軟骨都幾冧，但唔係好散果種，冧得黎好有口感芝士三文魚扇貝 ＆ 虎蝦天婦羅扇貝好少唔係好覺，三文魚粒比較多啲，個沙律醬比較咸，適宜餸飯。天婦羅水準都係可以，外層粉皮唔算厚，蝦肉結實，都算大隻同幾新鮮，味道唔錯所以食到中間，食完先記得影相洋蔥牛肉燒面層佈滿洋蔥，但無搶走牛味，牛味濃郁，唔算油，份量尚可。黑豚肉生薑燒完全冇生薑味，係搵唔到生薑嘅存在，有少少油，味道一般般。整體中上嘅價錢，比較普通嘅菜式

我哋叫咗兩個定食，有西冷牛扒、鵝肝、大蝦、銀雪魚&薄燒牛肉，份量唔多，賣相一般，食物質素亦一般，覺得一個定食要around $150蚊其實有d貴。只能說，食物不過不失，無乜驚喜。

好耐之前食過哩到晚餐，覺得性價比比較低，所以好耐未食過啦。今次約咗阿爸阿媽出嚟荃灣行街兼食晏，見佢lunch都係$60 左右一個餐，一於再試下先！佢每日都會揀一個指定嘅套餐價，今日係薄燒牛肉＄48套餐包左沙律，湯，白飯。我哋叫咗一個二人餐＋1個＄48餐。二人餐包括沙律，湯，飯有白飯同雜菌飯揀。餸菜方面有一客煮豬軟骨，跟住喺幾款鐵板燒之中可以揀兩款，我哋揀咗燒牛柳同燒羊柳。大部份嘅味道都唔錯，夠熱，但係豬骨唔夠淋！值得一提嘅係佢嘅雜菌飯好好食！有機會可以再試下其他口味！

平常都沒有往荃灣，這次因為商場有彈彈床和吹氣滑梯，便與黑豚和小小儀一起前往～上開飯網看也覺商塲沒什麼吸引食店，經過此間吃鐵板燒的，價錢確實吸引得很，抱着姑且一試的心態便進去了～午餐$68至$88，還有每天特價的$48套餐，已包括沙律丶味噌湯及飯～味噌湯及沙律： 4.5/10這是二人份沙律，看起來也蠻大碗，可惜碗底的沙律醬完全是水狀，加上沙律菜冰得已無生命力；配上平淡無奇的味增湯，完全是食之無味丶棄之可惜的跟餐沙律和湯⋯漢堡扒定食$48: 5/10雖說是鐵板燒，但圖中的鐵板只是器皿，一點也不熱。漢堡扒味道正常，但質感有點奇怪，點鐵板燒肉汁勉強下飯還好，最敗筆是底下的洋蔥不單是生，還有些臭生水味，才吃了兩條，一整個下午都是反胃的臭生洋蔥味銀雪魚拼牛肋條定食$68: 5.5/10很明顯是急凍貨色，沒什麼肉味，也是靠點醬汁來下飯，香菇飯算是濕潤一點，但整頓飯沒有一點靈魂，吃得人悶出鳥來⋯整頓飯便像是去唱卡拉OK附送的日式定食套餐，只是用來濫竽充數，勉強飽肚，雖然只是快餐價錢但其實質素比快餐店更不如，唯有比個喊面，讓大家不要浪費了一餐的quota！

好多鋪頭都要等，但呢家完全唔洗。入到去完全明白點解唔洗等。本身以為百幾蚊食餐鐵板燒都幾合理，但呢間野難食到好唔合理。首先打個餐牌發現真心好少野簡。點完，上菜都幾快既。對筷子食好劣質既即棄筷子。一食落就知自己奶左野。味噌湯就明顯用粉沖。沙律覺得有怪味，d醬仲要成堆水咁。食牛無牛味，口感又唔得，明顯係亂切，叫五成熟黎到一望，仲生過三成。買單158+1，一個人。服務都ok既，收野快，都容易叫人過黎加下水。時間有得倒流，我情願去食粥。食物質素完全對唔住個裝修。

這日與儍爸兩個在荃灣逛了一陣就到了食晏時間 見到這間的食店的鐵板燒午市定食好抵食就入去食個晏先 一入門口有一列的吧枱，喜歡睇住廚師大顯身手的可以坐在這兒用餐 睇住廚師即席表演的鐵板午餐由 HK$58 至 HK$82 ... 包沙律、味噌湯和日本稻米飯或香菇飯 但是我們倆難得有機會撑枱腳 所以無坐吧枱，坐了在裡面的闊落的二人枱，舒舒服服的慢慢食 我和儍爸點了兩份午餐，先來味噌湯和沙律，這大碗沙律是兩人份的 儍爸的美國安格斯牛柳 HK$68 配日本稻米飯 儍爸點了五成熟，諗住用鐵板上一路食一路煮就啱啱熟，但是上到枱好似熟了點 ... 不過，味道不錯也富肉香，加埋炸蒜片和洋葱好好拌飯 我的 ... 挪威比目魚扒拼七味牛肋條 原價 HK$98 現在做緊激賞價 HK$68 比目魚除了拼七味牛肋條，亦可以拼牛肉風味燒、日本宮崎雞扒、豚肉生薑燒或挪威三文魚扒 比目魚肉質好滑好嫩 我揀了碗加了醬汁和香菇片一起煮的香菇飯，唔洗餸就咁食已經有味 枱面有三款自家製醬汁 ... 鐵皮海鮮汁、IKI 辣醬和鐵板燒肉汁 我就鍾意 IKI 辣醬，裡面有很多配料，除了辣椒，仲有蝦米仔和乾瑤柱 ... 配