華小料理屋 (已結業)

自从早前txb 有个叫进击升龙道嘅节目就想去揾飞驒牛食，十二月有机会去东京，原来成个东京都系得一间餐厅有得食，时间问题又去唔成冇食到。返到香港留意到呢间餐厅得到日本认可卖飞驒牛，所以一直都起揾食清单入面。下昼起铜锣湾买完野，又谂起呢间餐厅，不过更吸引我嘅唔系和牛，系喜之次。喜之次系日本鱼王之一，貌似大眼鸡，鱼脂特别厚，通常系热食可以带出佢嘅鱼香，肉质细嫰。究竟呢间餐厅午餐喜之次定食系点呢，真系好有兴趣知。点餐时待应说没有汁煮喜之次，只有烧喜之次，照样点了。上菜时的卖相很好，定食有沙律，蒸蛋，味噌汤和白饭。个蒸蛋系好食嘅，嫰滑有汁。但系个烧鱼就太干身，条鱼本身唔够脂肪，变得唔够油香，肉都变得太紧，做得比较一般。见到其他食评试左汁煮喜之次都评价唔错，有时间我会再嚟试个汁煮嘅。如果有时大家点餐时只有烧鱼，我会建议叫过另一样野食。