曼谷泰菜 (珠璣大廈) (已結業)

曼谷泰菜屹立北角超过十几年, 多年前第一次到北角开餐, 就系帮衬佢!!! 系朋友推介, 约我地去食, 印象中样样都好好味...平时好少食泰菜嘅我地, 今日兴起重临旧地...12点未够来到, 只有2枱客, 可以好放心咁影吓周围环境... 如果坐满咗食客就好难影, 惊其他食客唔钟意自己入咗镜嘛...不过唔好以为佢冇人帮衬㖞, 查实佢一早已经Full Booking!!! 只系d客未o黎到...餐厅座位颇舒适... 装修走简约风...点少得泰国国宝金象做装饰...泰式午餐选择有十几款...黄咖喱牛腩饭 ($45) -- 只系一个普通午餐, 都加朵泰国兰花做装饰, 好重本㖞... 黄咖喱加咗椰汁, 中和咗辛辣味, 提升咗香味, 牛腩同薯仔都好足料!!! 牛腩好软腍, 薯仔好粉...泰式海南鸡饭配冬瓜鸡汤 ($48) -- 冬瓜鸡汤好多芫荽, 怕怕... 海南鸡肉比较嚡口, 但味道OK, 酱汁偏辣...餐饮包咖啡/茶, 加$5可以改青柠梳打/香茅姜蜜/香叶特饮/罗望子特饮, 我地拣咗青柠梳打同埋香茅姜蜜, 香茅姜蜜无论香茅定系姜定系蜜都好强劲, 味道好特别, 几好饮, 唔知系屋企整唔整到嘅呢.