Ufufu Cafe (已結業)

虽然话『好又一餐唔好又一餐』，但系间唔时都要对自己好啲嘅，于是今日准备咗个日式同西式 fusion 嘅午餐奖励下自己，菜式选择咗『铁板汉堡扒』同『明太子忌廉意粉』。『铁板汉堡扒』唔好以为佢只得果旧细细铁板汉堡，佢都有配饭碗白饭嘅。送餐嚟嘅侍应生提供咗黑色小围巾避免你淋汁时整污糟件衫，相信女士们都会好欣赏呢种咁贴心嘅行为。块汉堡扒好 juicy 好好味，加上白饭食落系用咗日本米，呢一点绝对睇得出佢嘅诚意。『明太子忌廉意粉』净系个汁都已经够特别啦，而且出面其他餐厅都好少有，配埋鱿鱼圈就更鲜甜啦，不过略嫌个汁就有点儿 watery。环境方面系几舒服既阔落，午餐仲连餐汤同饮品添，每人都只乘惠 $80 - $90 左右。讲真，香港同类型嘅连锁店都唔止呢个价钱啦，所以我觉得系超值嘅！