Beerliner German Bar & Restaurant (已結業)

经过见到呢间德国餐厅午餐做紧买一送一优惠，连星期六都有买一送一！ 买一送一优惠唔可以打包，同埋如果三个人去都要嗌两个午餐， 变相就有四个餐喺枱面。所以夹好双数人数去食会比较好。叫咗个乡村肉批青豆义式烩饭同埋烟熏牛腩薯角配长青豆。 意式烩饭好漏， 烟熏牛腩有少少咸你唔好睇过牛腩好红就以为唔熟其实 呢个牛腩系熟㗎。有蕃茄汤，薯仔沙律仲有哈根达斯雪糕任食。 再加埋一杯果汁可以选择苹果汁、橙汁或者红莓汁，好欣赏个果汁， 佢啲冰只系点缀系杯果汁里面，完全唔会因为溶冰而沟淡咗果汁嘅味道。