翠華餐廳 (已結業)

今日食晏拣左游客心目中最爱既茶餐厅,次次晏昼去食都起码有十个人拖住喼等紧位,但今日去到居然一反常态无人等位,一去到就有位,实在太开心啦,而且仲有卡位坐。我叫左个午餐,系香煎龙脷柳配鲜虾,拣左要薯菜,午餐佢包左一碗汤,红汤比白汤好饮,龙脷柳都几浓味,但煎得好香脆,虾都弹牙,有两个小薯仔,好粉,好软,配龙脷柳食就可以中和左佢既咸味。另一位朋友叫左个鲜虾菠菜饺米粉再加左碟鱼汤浸翡翠豆苗,个米粉一黎到以为好细兜但其实成碗米粉,而且仲有五粒鲜虾菠菜饺,仲要都系大粒既,搞到最后差啲食唔晒碟豆苗。