新高麗苑韓國餐廳 (已搬遷) 新店位置

以前都有约同事来里晚餐，午餐都第一次。呢度嘅set lunch都好丰富，因为除左有主食，仲有多碟开胃配菜，牛骨汤，白饭，甜品。另外仲有面嘅套餐，特别介绍同厨师特别推介。我点左姜酒煮鸡泡饭，呢凉凉地嘅天气系唔嘅选择，有驱寒嘅感觉，姜酒无住家式嘅咁浓，但配汤饭刚刚好，鸡件感觉似将唔要嘅胶位煮成，𩠌头𩠌尾嘅感觉。同事选左个牛排骨熟食套餐，综合其他客人嘅主食，卖相都系比较差，但味道唔错。牛骨汤嘅胡椒味好浓，韩式配菜见到大约有十款，每枱客人会随机送四款，若果想转其他款，就要即时同待应讲，待应唔介意换比你的。甜品则只见有啫喱。主食唔差，但都系觉得配菜好食啲，可以因为呢度系韩国餐厅，韩式料理始终比较出色。