圓鐵板燒

营业中

休息中

行过见到呢间铁板烧嘅午市套餐好似几抵食，七十几蚊最平嘅餐，全部都包嘢饮，一碟时蔬，同埋白饭，所以就入去试下我哋分别叫咗一个羊肉同埋一个牛肉，唯一一点我觉得唔系太好就系佢所有套餐都系配黑椒汁我哋叫嘅牛肉同埋羊肉都系切片嘅肉, 肉质都唔错，唔会好鞋亦都冇筋，张相嘅样好似好核突，但系其实食落系唔差嘅，只不过我本人唔系太钟意黑椒汁，所以下次谂住叫佢走汁，因为其实佢煮嘅时候有落盐所以系够味道嘅，另外隔离有啲铁板鱿鱼，鱿鱼我就觉得好韧，好似煮得过咗火，但系整体嚟讲连咗加一八十几蚊有嘢饮又有菜又热辣辣喺你面前即刻整，喺尖沙咀嚟讲真系好抵食