MAZ Thai & BBQ (已結業)

每个打工仔每日最开心既moment，当然就系lunch time啦，可以break一break，抖啖气，叉叉电，然后先至再面对下半日既工作~我地公司同事就暗地里开左个group，可以开心share下lunch time好去处，有咩好食唔好食都可以一一分享，成为公司同事午餐揾食指标，好pro，真系做正经野又唔见大家咁好心机，haha……今日就孖住个好啱倾既同事第一次黎呢度食午餐，因为见唔少同事都有喺个group度讨论，唔黎试下又点搭到嗲呢？翻开menu，选择都几多，最终我拣左泰式辣肉碎煎蛋饭，听讲呢个系泰国人劲钟意食既comfort food，睇落简简单单，但食落就觉得好惹味，d肉碎几好送饭，炒得香香辣辣，食得出有小辣椒同九层塔，一半肉碎一半饭咁mix埋一齐送入口就最好食，再食埋只蛋，相当满足，而且味道好正宗，完全可以幻想自己身在泰国，比身心放松下.同事就点左大虾干捞面，同事话大虾肉质好弹牙，味道亦算鲜，捞面好香口，我都忍唔住夹左啖试试，相当有口感，味道香浓，搞到我决定下次再黎都要叫呢个，哈哈，无计，隔离饭香嘛！