ChumChum味 (已結業)

今次系第一次去呢间食, 攞住个地图行黎行去就系唔知呢间野系边。咁岩有个路人行过见到我地望望下, 提示要行入去个商场入面~个商场人烟稀少, 加上附近又修辑紧, 真系心慌慌~入到去冇人, 得一台客, 我地有少少却步，不过都系入左去。佢有outdoor 位置, 不过佢唔俾我地出去坐。前菜有4样小食, 甜薯、泡菜、茄子、青瓜。全部都几好食，泡菜唔太辣~比出面好食。我地叫左：韩式蛋包饭：个样有D似日式.....蛋包饭都几好食, 佢个汁同日式有少少唔同, 但个肠仔就唔好食,炸到外皮好硬下.韩式牛肉饭：呢个算味道几好, 出面都系差唔多味道, 牛肉唔算太干~不过你话佢好好食, 又未到。其实总体黎讲都唔算差, 不过佢又唔算平, 仲要加一, 中午咁少人都几难做生意。