黑麥 (已結業)

屋企楼下有间黑麦，有时都会买个包做第二日早餐，十蚊有个大大芝士包都抵食。 亦试过入座食早餐，感觉不过不失。呢日同同事过黎食午餐，预早book位后留左最入窗口位。 环境光猛，只可惜会展格离有填海工程，唔算好风景，不过作为中午歇息一下既地方系唔错既。 两个同事叫左午餐set, 有汤，意粉，餐饮同甜品，好丰富。 而我因下昼有人请食tea, 叫份 all day breakfast， 配上橙汁，清新开胃。 大约等左三个字，我个 all day breakfast出现啦！ 份量唔算多，但整体都好味。 两片蒜蓉饱唔多蒜蓉酱，但系我比较喜欢咁，食到d面饱香味。 烟肉同平时食个d唔同，呢只厚身d, 完全唔脆，似烟肉同火腿混合体，不过热辣辣都好难唔好食。 其他材料正正常常，食完都系好好好好饱。之前有睇过openrice comments话服务差。 眼见人手系唔多，两个waitress忙得黎无笑容，讲野时候无"请问", "唔该"呢d客气既字眼。 但可能我地有无乜特别要求，而且挂住食野倾计，所以感觉唔算好差。