CEO Neway (已結業)

好耐都无去过铜锣湾CEO唱K，于是趁星期五放假去唱K，兼食埋午餐。有9款选择，我就拣咗粟米火腿肉粒意大利粉$105，朋友拣咗红酒烩牛肉配白饭$105，餐饮一杯，我哋都叫咗热柠水。大约等咗15分钟，午餐就送到入房，于是大家都趁热开始食。我叫嘅意大利粉味道都算唔错，分量亦啱啱好，如果粟米粒可以加多少少，就会更加好食啦。而朋友叫嘅红酒烩牛肉，无论睇或食，都觉得比较油，牛肉亦比较韧，好彩味道唔会太咸，白饭亦都煮得唔错，唔会太软或太硬。今次叫嘅两个餐都算可以，不过比起以前嘅食物质素就真系差咗少少，亦无奉送餐汤，幸好员工服务态度及房间设备都算好，收费平均每人$115.5，可以由早上10：30，唱到下昼3点，都算抵食抵玩。