双囍冰室

营业中

休息中

大热天时，无咩胃口，想食d轻食，想起双喜，虽然服务态度出名差，但好就一餐，唔好都系一餐啫，算啦，照去。平日的午餐，前厅已爆满，行入后厅，叫天不应，叫地不闻，结果行番出前厅，经过水吧个阿姑，佢用查问的语气问：你几位呀？一位，坐个度啦！ 心想，唉，阿姑，帮衬你食个lunch都俾你呼喝，真无瘾。查实呢位似系老板娘的阿姑，自己系咪觉得咁好威呢，而完全唔明白客人会反感？ 可能生意好，个人就嚣张d啦。大人不记小人过，照食。叫左肉酱厚多士、咖啡，以前双喜出品几唔错，先包容佢服务态度差，但今次真系唔得。厚多士，最后制作出来的效果只是一件厚嘅白面包，上面加左肉酱，面包完全无烘过！肉酱的确系肉酱，可惜烘完的肉酱只得表面芝士紧紧熔，食落肉酱系冻嘅，当沙律食咩，令人更加无胃口！身处恶人谷，无谓叫人换啦，留番啖气好过，无下次。