新南苑雞煲小菜點心 (已結業)

一向嚟呢度都系食晚饭，今日食午餐，叫咗咸鱼鸡粒炒饭同干炒牛河，估唔到都几有水准！⭕️ 咸鱼鸡粒炒饭一上枱已闻到香喷喷，好香咸鱼味，鸡粒有爆过，啲饭粒粒分明但唔干，唔多油，好有功力的炒饭，好耐未食过咁好食嘅咸鱼鸡粒炒饭😋😋⭕️ 干炒牛河炒得都唔错，几好食，炒河嚟讲唔算太多油，如果再咸返少少就更好，牛肉份量都OK.午餐呢个价钱包饮品都抵食，不过晚市就贵，要62蚊一碟唔包嘢饮，比同区茶记贵，同区的晚市大约五十几蚊包例汤。比起同区，呢间个厨系特别有水准好食，但系偏贵，晚市七、八十蚊一碟小菜偏细碟（净小菜，唔包白饭、例汤或饮品），尤其系肉类小菜，一家三口食，每人都食唔到几旧，鸡煲就比较抵食，所以间中想食好味啲先至嚟呢间。