祥發茶餐小廚

营业中

休息中

平日过开海，都会专登谂住过嚟北角食下午茶。不过今日早咗变咗做午餐。基本上每次嚟都系瑞士汁鸡髀、沙嗲牛面、猪扒包。但系见到隔篱枱碗饭𠮶两条好似叉烧嘅嘢好吸引，再睇睇餐牌原来系猪颈肉滑蛋餐肉饭，邪恶指数爆灯。咁今次就转左呢个沙嗲牛肉包。个餐肉冇煎过，不过个不过个蛋整得好滑，另外𠮶两条猪颈肉唔可以唔试，真系好似叉烧咁样样个汁好好味，捞饭一流。另外个沙嗲牛肉包，个包烘过系唔同啲嘅，带少少脆边。不过今次个鸡髀就有少少失望，唔知系咪中午繁忙时间，只鸡髀煮得过火咗少少，啲瑞士汁亦都入唔到落去只鸡髀𠮶度，「脾汁分离」。下次都系等返下午茶先嚟。