影片
更多
2022-04-15
2117 浏览
之前食过Pici爱上佢嘅Tiramisu，知道依间餐厅都系同一集团，而且lunch set非常抵食，趁放假过嚟试下。餐厅喺湾仔同中环都有分店，今次嚟左湾仔分店，地点其实都有少少唔就脚，同地铁站有段距离。不过可能因为疫情关系人流唔算好多。lunch set系个$118 嘅3-course meal包前菜、pizza同甜品，部分项目要额外加钱，我同朋友两个人就叫左几款share食。前菜叫左Salmon Salad同埋Porchetta Tonnata（Tuna Mayo)，味道正常分量都颇多，不过无预料到个吞拿鱼系布满蛋黄酱，因为本身唔中意咁多酱，所以见到有啲吓亲，觉得太多太heavy。Pizza方面点左两款都系要额外加钱，Nauja依款加$10，系辣肉肠同番茄酱嘅配搭，味道正常不过食落觉得都几辣下。至于Carbonra就要加$15，不过因为系signature所以一早已经打算叫。佢嘅卖相吸引，配搭烟肉、鹌鹑蛋、芝士同番茄酱。而且只蛋仲系会流心！食嘅时候感觉到蛋汁喺口中爆发，邪恶度爆灯超正。觉得依款pizza真系几好食，如果嚟嘅话会推荐食依款。同埋依度pizza嘅饼底都唔错，厚薄适中而且带
lunch set系个$118 嘅3-course meal包前菜、pizza同甜品，部分项目要额外加钱，我同朋友两个人就叫左几款share食。
前菜叫左Salmon Salad同埋Porchetta Tonnata（Tuna Mayo)，味道正常分量都颇多，不过无预料到个吞拿鱼系布满蛋黄酱，因为本身唔中意咁多酱，所以见到有啲吓亲，觉得太多太heavy。
Pizza方面点左两款都系要额外加钱，Nauja依款加$10，系辣肉肠同番茄酱嘅配搭，味道正常不过食落觉得都几辣下。至于Carbonra就要加$15，不过因为系signature所以一早已经打算叫。佢嘅卖相吸引，配搭烟肉、鹌鹑蛋、芝士同番茄酱。而且只蛋仲系会流心！食嘅时候感觉到蛋汁喺口中爆发，邪恶度爆灯超正。觉得依款pizza真系几好食，如果嚟嘅话会推荐食依款。
同埋依度pizza嘅饼底都唔错，厚薄适中而且带有面粉香。最估唔到系lunch set嘅分量都咁多，切左4大块，食完真系已经超饱。觉得几个人一齐嚟叫几款唔同嘅pizza食会更好。
虽然食完主菜已经饱哂，但甜品永远都系重点。Tiramisu要额外加$10，一场嚟到无论如何都要叫！同平时Pici食嘅一样，大大杯分量十足，我好中意食中间𠮶层浸满咖啡嘅蛋糕。虽然食落系会有少少偏甜，但仍然无阻我对依个甜品嘅喜爱。
结论系依度嘅lunch set真系超级抵食，而且绝对会食到超饱，我觉得几啱一班朋友嚟聚餐食。
张贴
