California Pizza Kitchen (屯門市廣場1期)

营业中

休息中

屯门市广场抵食午餐😃呢间餐厅装修好靓呀门口有啲滑板，令人哋有种休闲舒服嘅感觉。午餐几抵食，几十蚊就有仲包埋嘢饮。黑松露烟肉芝士忌廉汁意大利粉有烟肉有忌廉听落就知好食😃果然冇拣错佢哋酱汁份量刚刚好，有香浓黑松露同芝士忌廉混合，酱汁味道丰富。上面仲有只半熟嘅温泉蛋，整穿只温泉蛋将佢同意粉混合，啲意粉食落去就会更加滑👍🏻五色芝士蕃茄薄饼，咁啱朋友仔唔食肉类，呢个Pizza就啱晒佢啦，批底系正宗Pizza，所以比较薄身同埋香脆，上面有五种芝士😋仲有大大块蕃茄，Pizza中间香软侧边就脆口。额外加咗个泰式沙律，上面有几片鸡肉，泰式酱汁所以有少少酸味，整体感觉唔错。