坡椰坡囉咪

营业中

休息中

喺8日内第二度帮衬，因为觉得食物质素、食肆环境及价钱都合乎标准，上一次order 海南鸡饭及喇沙lunch set, 今次就order 喇沙lunch set。食物味道偏淡，不过性价比尚算合理，但同样错误短时间内两次发生在我身上，希望真系只是巧合。餐牌上喇沙午餐是$69，我亦只系order 最基本，冇任何额外添加。同样系经理亲自落单，上星期日及圣诞日，当我落完order, 收返receipt 居然2次都系输入晚市价钱$73，所以我即刻问经理，佢亦有即时更改及道歉，2次都系即时修正。第一次发生时，我冇放在心，所以我亦冇在这裹写下食评，而且亦只系$4差别，但当同一错误再次发生我身上，而且系同一人犯错，希望在此提醒一下。我好了解经营食肆唔容易，但作为顾客，当然希望明码实价去帮衬，而唔系每次都发现价钱有误，而需要主动通知更改。老实讲，短期内我唔会再帮衬，其实真心想多支持小店，但系食客嘅信心系要累积，既然2次都发生同样错误，我会有少许怀疑是否惯犯？我希望我系多疑，真系咁啱我唔好彩2次都遇到，唔想冤枉好人，或者都提提经理多注意，而其他食客亦可以留意一下。