木船 (已結業)

每日到午餐时间选择困难症就会发作，今日就选咗间每朝返工都会经过的东南亚菜式餐厅～木船。佢的环境设计到同佢个名一样，客人好似坐系船上食饭一样,每张枱的间格唔算阔，走廊位置有d 窄。佢主打东南亚菜式，海南鸡饭，生牛肉汤河，肉碎伴饭果d 都有得食，我就叫咗碗生牛肉汤河，传统东南亚菜都会落好多糖去煮，所以会好甜，而我又麻麻地甜，但木船的甜度适中，可接受我地仲叫咗个小食～炸春卷，又平又好味，跟餐叫10蚊有3条，唔系得炸粉果种，都几多料。价钱又平又大碗，仲要唔洗加一，不过佢的冷气有d 细，同埋汤面得河粉和金边粉选，无檬粉，如果有埋檬粉就正。