泰瀾鑊 (北角匯三期)

营业中

休息中

泰澜镬喺北角开左几个月，每日落车都会经过，今日lunch就专登过左嚟食啦。外观都内部既装修都几好，环境亦都舒服。今日我地就食左《顶级兰王蛋香叶辣肉碎饭》同《泰式椰香咖喱鸡扒饭》。泰式椰香咖喱鸡扒饭 $88青咖哩既味道十分香浓，椰汁味清香，整体个汁唔会好辣，送饭食认真一流。鸡扒外貌都好靓，之但系鸡肉食落十分之鞋口。顶级兰王蛋香叶辣肉碎饭 $82肉碎同饭既份量都足够，不过肉碎有啲够辣同香料既味道略为不足，主要都系食到咸味。兰王蛋系加分位，蛋味十分之浓，之但系如果煎得香啲会更好。午市套餐大部份野饮都系加8蚊-12蚊左右就有，今次就拣左咸柠檬七喜，够咸够冻，大大只玻璃杯，系爽既。不过午餐价钱偏贵，然后仲有加一。应该只会间中嚟下。