小店

营业中

休息中

曾经好喜欢嘅一间餐厅，N 年无黎过，今日刚好经过就谂住入去食个 lunch。见到个个都嗌牛扒，呢个啦可以拣白饭意粉或者薯条，但系竟然冇得就咁净菜。上菜速度系非常之快，卖相亦都 ok。但系全部放入口嘅嘢得杯柠茶系有啲柠檬味。实在系十万个问号。首先讲𠮶个我估应该系菠菜忌廉汤。入口系非常之 creamy，但系一啲味都冇完全唔知饮紧乜。系唔想浪费食物嘅情况之下好辛苦饮咗七成顶唔顺要放弃。牛扒饭呢 d 睇落稳阵嘅野，牛无牛味 (不过咁嘅价钱其实都预咗)，饭冇饭味，呢样都算，但系点解连个汁都可以无味？😨 要做到全枱野一啲味都冇实属高难度。$60 食d 咁嘅野真系九龙城大把好食过佢嘅选择。睇到 openrice d 相唔知晚餐系咪高质 d，但系一间有诚意嘅餐厅，冇理由接受到自己午餐做到咁嘅质素。已 blacklist 唔会再黎。