Delaney's Wanchai (已結業)

约左朋友来呢头吃饭，见呢度无咩人，几好坐，又适合倾计，就来帮衬。米睇夜晚呢度好热闹，原来下昼好静下，连电视都好开得好细声。午餐，头盘是自助沙律吧，主菜是四选一，烧牛肉、roast of the day、catch of the day同厨师精选，同咖啡或茶。沙律吧选择不算多，生果、生菜、车厘茄、长通粉及薯仔沙律等，卖相及味道俱一般。主菜要了roast of the day，是烧羊架，是烧定了，要就切来奉客。羊扒味道不算差，臊味少，但烧得过熟，口感较逊色；朋友的烧牛肉看样子已不对头，好深色又干身，佢亦话麻麻地好食。伴碟有什菜及炸薯块，又是整定的，味道当然不及即炸的好。连咖啡或茶，埋单98蚊一位。虽然不收加一，但食物质数麻麻，似乎呢度都系夜晚来饮野会好一点，来吃午餐就唔系太掂。