紅茶冰室 (已結業)

返工日子，星期五，就唔带饭啦，出去食吓饭庆祝吓happy friday，因为附近冇乜好食，而且午餐时间亦都好多人，所以我就拣咗红茶冰室。红茶冰室喺其他旅游区，例如尖沙咀旺角呢啲地方好多大陆人会去呢度食，毕竟佢因为系小红书推介嘅网红餐厅。不过嚟到观塘，呢度就冇咁多人啦。我嗌咗个常餐，系沙嗲牛面，牛肉嘅份量都好多，午餐嚟讲好饱肚，仲有一个奄列，入边嘅火腿满满，非常好味。配合埋一杯冻咖啡，午餐嚟讲真系好提神。