尚湯 (已結業)

见到食评心思思想试吓就来食，地点是无埃华街咁旺，但如果好食，几难找也要来，因为是假期呢度就好静，刚好来到只有我一个客，后来才多一个。我要咗铁板牛扒拉面，天气热不想食饭，有芥末汁同烧汁选择，我要了芥末汁，另拉面汤底我要猪骨汤底，佢重有蕃茄汤底你选择，其实这是定食套餐，所以有前菜、甜品同餐饮，我要咗冻奶茶(冻概都不用加$，少有呀)，等了阵嘢食就来啦，哗！牛扒加咗芥末汁就是劲好味，碗拉面份量刚好，太多就食唔晒，猪骨汤底也好味不会觉得是味精汤，成个餐只收32蚊超抵食，走时同老板娘(我猜)讲好好食，佢话这里试业咗半年了(但我都唔知)，我希望佢生意兴隆，越做越多客，咁我就有得继续食啦！其实现在大角咀已多咗人找好嘢食。