Towngas Avenue Cafe (已結業)

复活节三个人食左三个餐A. 青豆汤+ 牛柳个汤几好，因为青豆汤都几难整得好味，但个牛柳就麻麻地，烧得有D过火，有少少的苦味。B. 瑶柱茨蓉汤+ 烧鱼扒配紫菜薯蓉卷个汤相对比较淡，但都几好。个鱼扒好嫩滑兼且有鲜味，个薯蓉卷出面脆，里面软，几得意。C. 青豆汤+ 带子伊面个汤都系一样，唔讲。个面卖相好好，用两个蚬壳装住面同两粒几大的带子，芝士味几好，可以再浓少少。甜品方面试左薰衣草梳乎厘同朱古力饼，两样卖相同味道都好好。三个人合共食左六百几(已经用煤气信用咭有九折)，我就觉得呢个价系出面可以食到更好啰…净系个汤都四十几，甜品又系四十几，主菜要成百几，真系几贵。