船長意法日餐廳 (已結業)

又到左喺元朗揾食嘅时候啦，今日经过千色𠮶头，咁啱又到午餐嘅时间就入咗呢间叫船长嘅餐厅试吓佢嘅午餐，睇到餐牌佢样样嘅价钱都好平。我就同朋友每人带左一碗汤面然后再加几款小食share。我见到佢晚市仲好似有做火锅嘅添。叫咗一个炸虾天妇罗乌冬，汤底转咗做蕃茄汤底，加$3。我朋友呢就叫咗一个炸猪扒乌冬，个猪扒一上嚟超大块，性价比好高。个餐每人仲包一杯饮品，我就叫咗一杯热柠水。小食方面我哋亦都拣咗几款小食嘅，首先就有沙嗲鸡肉串烧，串烧啲肉质好好食呀，食到停唔到咀。另外仲叫咗日式煎饺、瑞士汁鸡翼。鸡翼煮得入味，煎饺亦都整到皮系外脆嘅。环境方面系坐梳化位嘅，枱同枱之间亦都唔会好迫，同朋友倾吓计食个午餐都系一个唔错嘅选择。