影片
更多
2021-01-24
2762 浏览
呢日去咗荔枝角揾朋友食晏，我哋想坐得舒服啲，所以佢带咗我去亿利工业中心嘅地舖「Pizza Piazza」。门面好似几OK👌，就入去帮衬。餐厅环境唔错，座位几整齐，亦唔迫夹，墙身挂上唔少画作装饰🖼。午餐时间几满座，不过两点后就轻松入得。店员指示我哋坐喺角落嘅位置，餐枱较大。午餐嘅选择好多🍽，包括沙律、扒类、意粉、意大利饭以及手工薄饼等，价钱介乎$78至$138不等，要另收加一服务费。餐厅名叫Pizza Piazza，所以我就决定食Pizza啦！午餐包汤、主食同饮品。落单无耐，店员就为我哋送上餐汤。是日餐汤系南瓜汤🎃，味道刚好，唔咸唔淡。烟三文鱼瑞可达($138)，🍕佢系其中一款手工即焗薄饼，饼底微脆，9吋大一个人食够哂饱。食物名称嘅瑞可达系指芝士Ricotta Cheese🧀，佢比较少见用于薄饼。烟三文鱼有六片，每块饼各有一片，非常平均。其他配料仲有洋葱丝、三色椒丝、酸豆(Caper)同罗勒叶🌿。龙虾意大利饭($128)，🍚饭粒分明，有口感。个饭红红哋色，估计系茄汁，但意想唔到个汁原来都几辣、又几甘🌶。饭有唔少爽口嘅小龙虾，亦令到个饭无咁单调。饮品方面，我拣咗热柠茶，估唔到系连茶壶上🫖，
呢日去咗荔枝角揾朋友食晏，我哋想坐得舒服啲，所以佢带咗我去亿利工业中心嘅地舖「Pizza Piazza」。门面好似几OK👌，就入去帮衬。
餐厅环境唔错，座位几整齐，亦唔迫夹，墙身挂上唔少画作装饰🖼。午餐时间几满座，不过两点后就轻松入得。店员指示我哋坐喺角落嘅位置，餐枱较大。
午餐嘅选择好多🍽，包括沙律、扒类、意粉、意大利饭以及手工薄饼等，价钱介乎$78至$138不等，要另收加一服务费。餐厅名叫Pizza Piazza，所以我就决定食Pizza啦！
午餐包汤、主食同饮品。落单无耐，店员就为我哋送上餐汤。是日餐汤系南瓜汤🎃，味道刚好，唔咸唔淡。
烟三文鱼瑞可达($138)，🍕佢系其中一款手工即焗薄饼，饼底微脆，9吋大一个人食够哂饱。食物名称嘅瑞可达系指芝士Ricotta Cheese🧀，佢比较少见用于薄饼。烟三文鱼有六片，每块饼各有一片，非常平均。其他配料仲有洋葱丝、三色椒丝、酸豆(Caper)同罗勒叶🌿。
龙虾意大利饭($128)，🍚饭粒分明，有口感。个饭红红哋色，估计系茄汁，但意想唔到个汁原来都几辣、又几甘🌶。饭有唔少爽口嘅小龙虾，亦令到个饭无咁单调。
饮品方面，我拣咗热柠茶，估唔到系连茶壶上🫖，所以可以斟到好多杯。不过柠檬份量就唔够饮哂成壶🍋。朋友就要咗热朱古力🍫，同样唔使加钱。
总括嚟讲，虽然呢餐唔系食咗好多嘢，不过一出门口就已经觉得饱。今次冇食到鸡翼同甜品，睇下有冇机会再食先😬。
张贴
