八木橋日式燒肉

营业中

休息中

同朋友去旺角TOP商场行街，行到好肚饿想烧肉放题一吓，就直接上四楼「八木桥日式烧肉」，我哋拣咗最贵嘅「雨餐」，因为而家二人以上就可以半价食到，最紧要系like埋社交平台专页就可以升级食足四个钟，劲抵食！► 头盘我哋选好餐后，店员就会先上头盘，除咗A5和牛西冷系一次性提供之外，其他都系可以无限追加。❀A5和牛西冷都好大块而且唔薄身，油脂似降霜纹理分布，烧熟后入口柔软有即化嘅口感。一开始就食到A5和牛，都感到「雨餐」嘅高质。⦿四品和牛烧肉盛全部都系无限追加，呢个价钱净系食A4和牛都抵晒。❀A4黑毛和牛和尚头牛后腿内侧位置，脂肪较少，牛肉香味浓，有少许咬口。❀A4黑毛和牛三角腩牛前脚对上腩位，充满油香，入口软滑溶化。❀A4黑毛和牛后腰肉大理石花纹脂肪分布平均，我单边烧10秒，入口感到脂肪溶化，柔软juice，encore咗好多转。❀A4黑毛和牛牛肩牛肩比例上有较多筋络同油花，肉质较其他位置有嚼劲。❀香葱薄切和牛用三种调味：葱花、炸蒜、烧肉汁卷住嚟烧，烧熟后蘸蛋汁食无得顶。❀鲍鱼鲍鱼新鲜，洗得干净又切走埋内脏，餐厅提供咗烧烤小贴士，唔好直接烧个壳，只烧鲍鱼肉嘅一面七分钟，生熟度刚好，爽口弹牙。