影片
更多
2017-05-06
476 浏览
好遗憾，踏入酒楼第一印象竟然系--服务态度欠佳。我入到酒楼排队拎票等入座，自问ok礼貌，同店员讲嘢都唔该前唔该后，但接待员无比我任何回应，就冷淡地递上一张号码纸。我地一行三人一共叫左6款食物，但最重点系想讲叉烧肠粉。肠粉皮过厚，同皮薄馅靓呢四个字扯唔上任何关系；皮唔薄，馅亦唔靓，甚至乎可以话无馅可言，我一度怀疑自己系咪叫左斋肠？要赞嘅地方系食物份量，特别系煲仔饭，相信饭量有大约4-5个饭碗仔，可惜排骨嘅肉太肥，所以我都无乜点食到排骨肉。另外牛肉球都几好味，够软熟，牛肉球下嘅腐竹皮够多，吸收到嘅喼汁份量就自然会多d，食落都当然开胃d，同埋我觉得呢度嘅牛肉球系比市区酒楼嘅大粒。马拉糕上枱时仍然够热，用筷子夹起时都可见松软，马拉糕佢造到有3层，我可以逐层拻开嚟食，亦都方便同身边嘅人一齐分享，唔洗话一下子就要食晒一大件马拉糕。不过，当我地开开心心食到一半，突然听到我身后嘅男职员破口大骂他的女同事办事不力。作为食客，听到员工咁样喺茶客面前毫无忌讳咁吵架，比到我嘅印象系好差，就算人地做嘢真系好唔掂，都唔应该喺公众地方咁对人破口大骂吧？总括嚟讲，符合一般屋邨茶楼应该做到嘅水准，叫做对得住班街坊（除左
我入到酒楼排队拎票等入座，自问ok礼貌，同店员讲嘢都唔该前唔该后，但接待员无比我任何回应，就冷淡地递上一张号码纸。
我地一行三人一共叫左6款食物，但最重点系想讲叉烧肠粉。肠粉皮过厚，同皮薄馅靓呢四个字扯唔上任何关系；皮唔薄，馅亦唔靓，甚至乎可以话无馅可言，我一度怀疑自己系咪叫左斋肠？
要赞嘅地方系食物份量，特别系煲仔饭，相信饭量有大约4-5个饭碗仔，可惜排骨嘅肉太肥，所以我都无乜点食到排骨肉。另外牛肉球都几好味，够软熟，牛肉球下嘅腐竹皮够多，吸收到嘅喼汁份量就自然会多d，食落都当然开胃d，同埋我觉得呢度嘅牛肉球系比市区酒楼嘅大粒。
马拉糕上枱时仍然够热，用筷子夹起时都可见松软，马拉糕佢造到有3层，我可以逐层拻开嚟食，亦都方便同身边嘅人一齐分享，唔洗话一下子就要食晒一大件马拉糕。
不过，当我地开开心心食到一半，突然听到我身后嘅男职员破口大骂他的女同事办事不力。作为食客，听到员工咁样喺茶客面前毫无忌讳咁吵架，比到我嘅印象系好差，就算人地做嘢真系好唔掂，都唔应该喺公众地方咁对人破口大骂吧？
总括嚟讲，符合一般屋邨茶楼应该做到嘅水准，叫做对得住班街坊（除左碟肠粉），只系服务方面实在系应该改善改善。
张贴
