Steak Bar (已結業)

今日谂唔到食乜嘅情况下，友人是旦碌咗阵手机，见佢哋而家做紧半价优惠，喺冇特别睇食评情况之下订咗位了。点知就出事了，同另一用半价优惠食评，同一遭遇。食物嘅份量同menu嘅相相差甚远，睇相吧。准时到，唔驶等位，直接入座，入面其实仲有位，但就摆咗我坐门口，算唔同佢纠缠，谂住快快手手食完就算。落单时，店员有主动告知用半价优惠，半价吉列炸牛扒定食要按原价另收加一。好，无问题。店员有问要唔要落小食同饮品，睇咗阵，最后冇追加嘢。水都冇比杯。好快嘢食就到，正价份定食叫咗牛舌并薄切牛，牛舌同埋薄切牛得各三片，仲要真系切到超薄果只！好力工！前菜系醋腌白萝卜，唔好食，不吃也罢。过咗阵，半价份炸牛扒定食都嚟度，见到块吉列时，眼都凸埋，得半块吉列炸牛扒。所有嘢食嘅味道都好一般，唔会难食，但好食就一定冇佢份。求其食完走算，最后埋完单，我俾张相个女店员睇，问佢其实如果正价叫，个吉列炸牛扒份量系咪都一样，佢嫌我烦咁hea答我系。是日埋单320，人均消费160。其实咁样嘅优惠不如唔好做。不会再帮衬了。完。