Monster Sushi (已結業)

论排队—七点黎到已经条队几长下，无飞拎要乖乖地排队，因为得两条友所以排到第十个左右 ，职员就问是咪有两位，可以入先，就咁我就同朋友带住胜利既微笑入左去，望住等三四个位果批人我谂佢要等成粒钟，惨惨猪。不过食完出番黎，八九点钟，其实好少人。论环境—黑，好似好有格调。干净。坐既位置感觉有少少似同人搭台，同一张台同一张沙发，不过个位都几阔，无咩问题。论食物性价比—整体黎讲，价钱好似平过元气少少。难食既无影到。最难食系帆立贝，唔知佢唔新鲜定点。帆立贝个样好好睇好肥美但实质苦到喊，入口就好似见到你以为一个好好睇天生丽质既女仔系你面前落妆咁，好苦。第二个唔系难食，只可以讲唔好食。就系玉子，我认为既玉子系甜既但佢唔太甜。口感都差少少。烧既油甘鱼几香几好食，推介下，不过无图。牛油唔知咩菇份量都几多，不过味道还可。论服务—无走单，人地咁忙唔会奢望见到咩笑容态度好。不过有时见出面排紧队，但其实裹面有位不过未汁好台，感觉有点儿微妙。总结—我见人地讲帆立贝好好味咁，如果你自认你食果日运气唔系几好，咁就唔好叫了。整体都系抵，点左唔少野两个人买单３００多少少咁多。不过睇在个玉子同帆立贝份上，唔想比笑脸。