影片
更多
2019-04-12
1087 浏览
难得放假，就同朋友们来个英式下午茶~Afternoon Tea时间系2点到6点，我地1点半去到已经有20人左右等紧，大概1点50左右就安排客人入坐～一坐底就有杯welcome drink,有青柠汁，酸酸甜甜几醒胃。成日话去半岛叹咖啡，所以我地都拣左cappuccino，饮品都系可以添饮嘅。cappuccino嘅奶泡超级绵密，唔会一阵就唔见晒啲泡泡👍🏻侍应见我地饮晒都不断主动问我地要唔要添饮，服务态度好好！由于每人最低消费$350，所以我地每人叫左一位afternoon tea set。最低果层系scone,英式松饼系我嘅最爱😝入面有提子干，加埋士多啤梨果酱好好食。中间系咸点，主要都系三文治，烟三文鱼卷同一旧餐肉嘅点心。个人觉得烟三文鱼卷最好食。黄色嘅三文治中间有青瓜，食落几清新👍🏻反而餐肉点心就麻麻地，口感似食紧冻嘅香肠。最顶层系甜点，有朱古力慕丝蛋糕，红苺蛋糕，macaroons 同柠檬挞。朱古力慕丝蛋糕好好食，慕丝好滑，朱古力味够浓。macaroon似系开心果味，食落味道唔特出，都讲唔出系咩味😅柠檬挞个皮几脆，柠檬馅酸酸甜甜，细细件几好。最后都食唔晒要打包，下次黎可能会试埋其他野食
Afternoon Tea时间系2点到6点，我地1点半去到已经有20人左右等紧，大概1点50左右就安排客人入坐～
一坐底就有杯welcome drink,有青柠汁，酸酸甜甜几醒胃。
成日话去半岛叹咖啡，所以我地都拣左cappuccino，饮品都系可以添饮嘅。cappuccino嘅奶泡超级绵密，唔会一阵就唔见晒啲泡泡👍🏻侍应见我地饮晒都不断主动问我地要唔要添饮，服务态度好好！
由于每人最低消费$350，所以我地每人叫左一位afternoon tea set。
最低果层系scone,英式松饼系我嘅最爱😝入面有提子干，加埋士多啤梨果酱好好食。
中间系咸点，主要都系三文治，烟三文鱼卷同一旧餐肉嘅点心。个人觉得烟三文鱼卷最好食。黄色嘅三文治中间有青瓜，食落几清新👍🏻反而餐肉点心就麻麻地，口感似食紧冻嘅香肠。
最顶层系甜点，有朱古力慕丝蛋糕，红苺蛋糕，macaroons 同柠檬挞。
朱古力慕丝蛋糕好好食，慕丝好滑，朱古力味够浓。macaroon似系开心果味，食落味道唔特出，都讲唔出系咩味😅柠檬挞个皮几脆，柠檬馅酸酸甜甜，细细件几好。
最后都食唔晒要打包，下次黎可能会试埋其他野食😋😋
张贴
