稻香 (蔚景園)

营业中

休息中

阿媽生日食飯，五大三細，諗住搵酒樓book枱叫半席，睇過沙田同石門幾間嘅菜式同價錢，最後決定食稻香。一星期前打咗電話book枱，去到酒樓佢地好似完全無我地book枱紀錄咁，不過半席依然可以叫就ok啦。個餐本身免加一免茶介，因為多咗兩個人，所以收兩位茶介好合理，但俾個茶包我地，叫我地自己煲水自己斟水自己沖茶，收兩個人加埋60蚊嘅茶介，我覺得好唔值囉。部長話龍蝦會送伊麵，我地係開心嘅，但傳菜阿姐上菜好衝下，捧住個湯上枱但又唔睇枱上擺咗d乜，倒瀉水一枱都係，差d搞到我家人一身濕，呢個感覺好差。食物係ok好味嘅，半席嘅份量比想像中多，我地仲另外叫多半隻燒鵝，仲有壽包，埋單千五有找我地都覺得抵食嘅。不過真係覺得佢地要員工培訓下囉。