稻香 (蔚景園)

营业中

休息中

阿妈生日食饭，五大三细，谂住揾酒楼book枱叫半席，睇过沙田同石门几间嘅菜式同价钱，最后决定食稻香。一星期前打咗电话book枱，去到酒楼佢地好似完全无我地book枱纪录咁，不过半席依然可以叫就ok啦。个餐本身免加一免茶介，因为多咗两个人，所以收两位茶介好合理，但俾个茶包我地，叫我地自己煲水自己斟水自己冲茶，收两个人加埋60蚊嘅茶介，我觉得好唔值啰。部长话龙虾会送伊面，我地系开心嘅，但传菜阿姐上菜好冲下，捧住个汤上枱但又唔睇枱上摆咗d乜，倒泻水一枱都系，差d搞到我家人一身湿，呢个感觉好差。食物系ok好味嘅，半席嘅份量比想像中多，我地仲另外叫多半只烧鹅，仲有寿包，埋单千五有找我地都觉得抵食嘅。不过真系觉得佢地要员工培训下啰。