影片
更多
2023-09-22
3906 浏览
首先讲吓book枱先，基本上系每个月1号先可以book枱，实质其实唔系三个月前，系两个月多啲之前先可以book。开放book枱嘅时间系朝早10:00开始，但基本上你呢个时候入去book都唔会book到，而我系send email俾酒店最后帮我book，当然就会麻烦少少要覆多几次email，不过佢哋回覆得好快，基本上10分钟内都会回覆。同埋系即时付款（hold信用卡limit)，如果想取消，最后限期系booking当日48小时前取消，若果booking当日先no show，酒店会喺你Booking当日直接信用卡过数。讲返啲嘢食先🤗🥢鱼生、寿司🍣提供嘅鱼生都系比较其他酒店自助餐高级，有帆立贝、三文鱼、拖罗、油甘鱼、甜虾、三文鱼籽，系非常非常新鲜！而寿司方面有海胆寿司已经赢晒好多其他酒店。🥢山珍海味鹅肝、花胶、鲍鱼、海参、瑶柱冬菇。。。基本上你觉得贵嘅嘢都会有，而且样样都好食，只系惊你个胃顶唔住，食唔到咁多。🥢肉类牛扒、羊架都非常出色，牛扒够嫩，切得薄之余，肉身系带点红红，非常之好食！而羊架系羊仔，所以细嚿啲，但正因为系羊仔，所以啲肉先会咁嫩滑。🥢海鲜有龙虾、珍宝砚。。。。系非常之新鲜，非常
讲返啲嘢食先🤗
🥢鱼生、寿司🍣
提供嘅鱼生都系比较其他酒店自助餐高级，有帆立贝、三文鱼、拖罗、油甘鱼、甜虾、三文鱼籽，系非常非常新鲜！而寿司方面有海胆寿司已经赢晒好多其他酒店。
🥢山珍海味
鹅肝、花胶、鲍鱼、海参、瑶柱冬菇。。。基本上你觉得贵嘅嘢都会有，而且样样都好食，只系惊你个胃顶唔住，食唔到咁多。
🥢肉类
牛扒、羊架都非常出色，牛扒够嫩，切得薄之余，肉身系带点红红，非常之好食！而羊架系羊仔，所以细嚿啲，但正因为系羊仔，所以啲肉先会咁嫩滑。
🥢海鲜
有龙虾、珍宝砚。。。。系非常之新鲜，非常之鲜味，都系𠮶句，太多嘢食根本食唔晒
🥢雪糕
雪糕有八款味道，全部系酒店自己整，每一款味道都好味或者好特别，我自己就即刻试晒所有味道，最钟意系咖啡、士多啤梨同朱古力
🥢蛋糕
蛋糕嘅选择其实唔算好多，但系都值得一试
总括而言
我系星期日去嘅，每位$928，价钱其实真系唔算平，但系对比其他酒店例如Hotel Icon、自助山，我觉得丽晶酒店系更胜一筹。首先佢嘅款式真系比较贵价，你都会觉得值回票价。而且每一样食物都系好好味，你会好想好想试，但其实又食唔到咁多。最后我用AE卡俾钱，就有八五折，折返就$1763两位，一位就$881
不得不提喺酒店嘅职员嘅服务态度非常之好，佢哋嘅安排系有大概两至三个员工负责10枱客人，每一次收拾你嘅碟嘅时候都会问你仲需唔需要，而帮你斟水嘅时候都会系喺你出去拎嘢食嘅时候先会斟，唔会打扰你进食，服务真系唔错！
有预算食自助晚餐嘅朋友，都不妨去试一试！
张贴
