影片
更多
2009-12-12
15 浏览
我系今年四月左右去过一次之后，真系决定唔再用佢既优惠券，唔会再去佢度食。都系因为今次同屋企人去左九龙城行下，先有番想头去试多次，希望大有改善。（怪就怪我自己太钟意食放题了．．．）咁订左六点半入去，成间野得两张枱有人坐，而我地坐低左无耐，又系咁多次都系咁既问题：「先生，试唔试下食胆啊？」我地话唔驶之后，今次仲要「加强」攻势，有另外两个人再问番同样问题，去到第三次个阵，我已经话：「我地咪话左唔驶啰！」学我妈咪讲，食海胆就唔会刻意黎放题啦！之后我地就点野食，唯一可以赞下既，就系佢既食物款式变过，而且多ｄ新款，认真唔错！ 赞完又闹番啦，当我地交左张单比ｄ侍应，佢地竟然话我地点得太多，话成张纸只可以点六样野（因为我地得三个人）。下？刺身：三文鱼、甜虾、希灵鱼、八爪鱼、赤贝、鱿鱼。够啦！已经六样啦！就想一次过叫埋寿司、炸物？唔驶谂啦！因为佢话要到左先可以再入单bor．．．．我食过咁多次放题，都系第一次见到间咁样既野！半年前黎个阵，佢地见我地点左某个quota之后，佢地先至会开始「炸型」，成日比藉口话我地点得太多，但系今次竟然不进则退，一黎到就我地点得太多，又话咩任我地写份量，我写左要十块三文鱼，最
咁订左六点半入去，成间野得两张枱有人坐，而我地坐低左无耐，又系咁多次都系咁既问题：「先生，试唔试下食胆啊？」我地话唔驶之后，今次仲要「加强」攻势，有另外两个人再问番同样问题，去到第三次个阵，我已经话：「我地咪话左唔驶啰！」学我妈咪讲，食海胆就唔会刻意黎放题啦！
之后我地就点野食，唯一可以赞下既，就系佢既食物款式变过，而且多ｄ新款，认真唔错！ 赞完又闹番啦，当我地交左张单比ｄ侍应，佢地竟然话我地点得太多，话成张纸只可以点六样野（因为我地得三个人）。下？刺身：三文鱼、甜虾、希灵鱼、八爪鱼、赤贝、鱿鱼。够啦！已经六样啦！就想一次过叫埋寿司、炸物？唔驶谂啦！因为佢话要到左先可以再入单bor．．．．
我食过咁多次放题，都系第一次见到间咁样既野！半年前黎个阵，佢地见我地点左某个quota之后，佢地先至会开始「炸型」，成日比藉口话我地点得太多，但系今次竟然不进则退，一黎到就我地点得太多，又话咩任我地写份量，我写左要十块三文鱼，最后咪又系得个三块！
之后连续几次都系咁样比人限住，咁你做咩放题姐？又唔比人地任叫，我地咪叫个经理黎投诉，个经理竟然话：「无！无ｄ咁既事！」真系比佢激死，佢就话比番我地任叫，之后我地咪试下得唔得，一阵间又系比人话点得太多，我地咪即刻话：「你地经理比嫁bor！」佢地即刻无声出，咪又系帮我地入单．．．．
虽然佢有好多优惠券同推广，但系服务方面佢都未做得好，又做唔好「放题」既状态，叫人地点样去支持佢呢？佢既吸引程度已经大减，成晚都有半个场唔驶开，另外一半场都坐唔满。（我谂无线台庆无影响咁大啊？）不过，我都要赞下佢既食物系好有特色，而且刺身都算新鲜，ｄ款都算多．．．．．
食埋呢次之后，睇下会唔会半年后又去「测试」下，睇下有无改善？不过，我谂自己唔会再去了．．．．．．
张贴