影片
更多
2020-03-23
309 浏览
香港本身都有好多类似渡假屋咁样风格嘅咖啡店☕️ ，而NOC Coffee Co./Cozy cafe/APA cafe系其中一间。啱啱知道NOC Coffee Co.黄埔开咗间新分店冇几耐，而且佢系靠近海边，个环境应该会更加有feel ，所以就抱著一个放松去Relax嘅心情去依间黄埔分店。𠮶日大概十点半就去到coffee shop，幸好系平日嘅关系，呢段时间去到都仲有位，相信假期一定会爆满，所以假日都要再早少少到。我哋初初影相同埋吧枱冇位，所以就坐咗喺近counter嘅圆枱到，当我哋影完晒相，发现吧台有位咁梗系去坐喺吧台到啦。______________________________环境方面:佢以白色同灰色做主调，畀人一个好光猛嘅感觉，佢环境同网上面睇一样，都系好广阔完全冇一个窒息嘅感觉，佢外面嘅空间仲有8张圆枱可以直望海边吹下海风🌊 ，系果到静静地睇书📚都真系几写意。个环境绝对系可以坐喺到HEA返2-3个钟头，就算攞自己啲嘢去都好易咁专心到，初初仲担心冇WI-FI用电脑做嘢，问咗职员之后原来系有WI-FI，所以唔洗太担心😆。_____________________________
𠮶日大概十点半就去到coffee shop，幸好系平日嘅关系，呢段时间去到都仲有位，相信假期一定会爆满，所以假日都要再早少少到。我哋初初影相同埋吧枱冇位，所以就坐咗喺近counter嘅圆枱到，当我哋影完晒相，发现吧台有位咁梗系去坐喺吧台到啦。
______________________________
环境方面:
佢以白色同灰色做主调，畀人一个好光猛嘅感觉，佢环境同网上面睇一样，都系好广阔完全冇一个窒息嘅感觉，佢外面嘅空间仲有8张圆枱可以直望海边吹下海风🌊 ，系果到静静地睇书📚都真系几写意。
个环境绝对系可以坐喺到HEA返2-3个钟头，就算攞自己啲嘢去都好易咁专心到，初初仲担心冇WI-FI用电脑做嘢，问咗职员之后原来系有WI-FI，所以唔洗太担心😆。
______________________________
食物方面:
我哋就叫咗个 Smoked Salmon Toast 🍞($108) & Free Range Eggs Toast🍞($74)。
.
.
而咖啡方面就叫咗Flat White & Flat White(Skim Milk)☕️，佢叫咖啡之后佢会问你(Fruity/nutty) ，大家都可以随你嘅喜好去选择咖啡豆嘅味道。
.
佢哋叫嘢食会畀个牌你，之后啲职员会将啲食物送到去你张枱上面，当你一拣好位坐低咗就唔使行嚟行去啦。
.
Smoked Salmon Toast 🍞($108)
三文鱼都几厚肉下，同埋都有几多块三文鱼，只不过系味道单调咗少少，佢夹埋牛油果酱🥑食落去唔会太油腻，但系佢个酱食落去会有少少酸，唔知系唔系开始变坏。佢有个好嘅地方，就系有啲菠菜仔🥬佢垫住啲牛油果酱唔会等个多士慢慢变淋，所以就算影完相先至食，佢块多士都系仍然脆身😋。
.
.
Smoked Salmon Toast
147 浏览
2 赞好
0 留言
Free Range Egg Toast 🍞($74)
.
见到佢蛋🥚炒出个颜色几靓，都系略金黄色，所以都有啲期待，点知食落去略为干身🤔，同埋蛋个味道反而唔系好出，有啲淡😕。
.
All-day breakfast( $148)
.
All Day breakfast就系大同小异，反而我觉得冇乜特别出色嘅地方，食落去嘅感觉都系同出面All Day breakfast差唔多🤔，不过都系材料丰富，有鸡肉肠，小法包🥖配牛油果🥑，烟肉🥓，大啡菇，两只太阳蛋🍳。 食完之后都比想像中饱。
.
.
Flat White ($40) Fruity☕️
咖啡反而同我想象中唔一様，可能算系新分店嘅关系，冲咖啡嘅水平有少少唔稳定，Flat White 打啲奶泡打得未够滑，啲奶泡会见到有少少大少不一嘅气泡，同埋啲奶泡好快就浮咗上嚟，应该只系6-7分钟嘅事嚟。饮上去畀人感觉好平衡，冇话特别酸特别苦🤭，饮上去明显奶泡打得唔够滑，上面层奶泡好快就散咗😕。
.
.
.
Flat White (Skim Milk) ☕️($40)
反而Skim Milk就打得好啲，始终都会Skim Milk持久性都会耐啲，所以我哋就算影完相，佢都仲未走样😆，由于呢一杯系我个friend叫，我就冇试过佢个味道啦。
.
Cappuccino（nutty)☕️
都系一样奶泡打得唔够一般般，表面有啲薄，打得唔够厚身，奶泡好快就散。不过今次(nutty)好明显坚果味重啲，第一啖入口就已经感觉到。
.
.
______________________________
呢一间舖头系一个好舒服嘅地方，个人觉得压力大嘅时候就可以去呢度轻松下😋，放松下自己嘅心情，唯一唔好彩就去两次都系阴天😢，如果有太阳光照🌞入嚟，相信个环境会更加好，更加舒服。除咗咖啡☕️比较唔稳定之外，食物都有好多选择，除咗炒蛋多士🍞比较淡之外，其他都喺keep得住水准，呢一间coffee shop净系个环境，真系可以嚟多几次都唔厌👍🏻。
.
写呢个食评前我系去咗两次，两次个感觉都都好舒服😎，相信之后会有第三次同第四次，下次再嚟一定尝试食其他唔同种类嘅食物，到时再同大家介绍下啦。
.
同埋门口啲枱都有啲影相打卡位，钟意坐户外嘅，吹下海风🌊又可以都可以有多一个选择，可以唔洗去到西贡咁远𠮶啲地方，近近哋近市区NOC Whampoa都可以㗎!
张贴
