K-Pop snack (已結業)

我一直在想炸鸡可以叫外卖吗？送到呢啲闷气会否令只鸡都唔脆喇？ 但呢个已经唔系我要担心嘅事情。原味炸鸡配甜味蒜头炸鸡一只 $191，送到来，只鸡好似严重营养不良咁。谂住可能只鸡好滑呢，通常呢啲细鸡肉质比较嫩滑， 点知又嚡又干点食呀。 其实炸鸡都可以好juicy ，但佢唔识炸啰 。原味鸡配honey mustard 酱，正常味。 甜味蒜头鸡完全冇蒜头味㖞。 大家唔需要因为佢系蒜头味而点佢，因为真系无 garlic 味。佢个sweet garlic 酱非常甜非常稠，好似麦芽糖质地咁，仲包到只鸡冚一冚，得个甜， 做乜将只炸鸡搞到咁啫？芝士辣炒年糕$74，芝士系真系多，呢点要赞。 个甜辣味几好食， 甜辣适中，但系年糕得十嚿？ 分量少得可怜 ，鱼饼好似浸咗好耐，淋到好恐怖 。好似小时候食7-11浸咗好耐， 胀到就嚟爆炸𠮶啲鱼蛋咁。Tuna kimbap $54， 第一个感觉系点解会咁松散 ？？ 夹一嚿出嚟，跌晒啲料 。 吞拿鱼嘅比例极少，而且吞拿鱼𠮶个沙律汁唔够， 冇乜味 。kimbap 好干， 为咗掩饰佢太干，佢喺紫菜面加咗好多油 。食到成口油好奇怪。呢间餐厅，我觉得佢每样都做少少，差少少。