K-Pop snack (已結業)

夜晚同同事食飯，三個人order咗三樣嘢，原本其實一心諗住食炸雞，因為之前食過好食，但係分別其中兩個人一個有喉嚨痛另一個唔夠瞓，所以要揀啲溫和啲嘅食物，最後叫咗以下三樣嘢：1. 牛骨濃湯拌飯牛骨湯底超級好味，佢底有啲粉絲或者拌飯都好食，個牛超腍，牛同埋蘿蔔入晒湯的味道，真係超級正。翻食指數：💛💛💛💛💛💛💛💛🤍🤍2. 紫菜炸粉絲年糕雜錦紫菜卷同埋年糕雜菜正常味道，第一次食炸粉絲有啲驚喜。翻食指數：💛💛💛💛💛💛🤍🤍🤍🤍3. 芝士雞蛋卷 呢個芝士蛋捲係三樣嘢當中，我哋都覺得最好食，不過提醒一定要趁熱食芝士仲係腍身，同埋拉絲超開心。翻食指數： 💛💛💛💛💛💛💛💛💛💛

今日下午經過K-pop餐廳，門口menu見到有韓國菜式，睇圖片食物望落好似幾吸引就入去試下。餐廳裏面環境闊落，座位都幾多，主要係卡位。店員會提供menu同點餐紙，自己喺點餐紙寫低要點嘅食物，先付款後上菜。我哋點咗一份lunch set，lunch set包一份主食加一份小食同一罐飲品。主食點咗鐵板炒辣豬肉飯，配四粒韓式甜辣炸雞粒同一罐韓國桃味汽水。鐵板炒辣豬肉飯味道唔錯，小辣，豬肉同飯嘅份量都好足，夠惹味。韓式甜辣炸雞係即叫即炸，食落熱辣辣，炸雞配甜辣醬好夾，幾好食。價錢方面，lunch set只需$99，份量足，味道唔錯，性價比高，值得一試。

Recommending by my dear colleagues spending our work lunch at a hidden Korean restaurant. It is hidden along the main street with a dim entrance requiring walking down the stairs. Restaurant was spacious. Orders made via submitting a handwriting form to counter and making pre-payment. Staff were mostly Korean. Preferably communicating with simple English. They were so nice, so welcoming and very polite. Staff first served the appetisers, lotus, pickled turnip, kimchi and sprouts. Lotus was crisp

今日同朋友出咗火炭，午餐想食韓國菜，經過K-pop cuisine就入咗去試下。店鋪裡面好闊落，全部都係卡位，坐得幾舒服。午餐有lunch set，包一個主食、一份小食、一罐飲品，total $99。我哋點咗一份lunch set，主食要鐵板辣炒豬肉飯，小食要四件韓式甜辣炸雞粒，同一罐韓國桃汽水。餐廳有四款免費配菜提供，可以無限添加。鐵板辣炒豬肉飯份量好大，有好多豬肉，味道好食，小辣但惹味。韓式甜辣炸雞粒係即叫即炸，雞肉好嫩，配搭韓式甜辣醬好惹味。整體嚟講，lunch set抵食又好食，值得一試。

呢間餐廳位於火炭工業區某個地牢，喺地面睇完全唔起眼，仲以為只係地方細細，只做外賣舖頭。.但入到去發現原來地方好大，裝修仲好有韓國地道感覺。.韓式小菜基本上，每間韓國餐廳都會送韓式小菜，呢間餐廳仲有蓮藕炒豆角，係比較特別嘅小菜👍🏻.辣炒豬肉紫菜卷紫菜卷好食，豬肉唔老又香辣，啲飯嘅煙靭度、濕度都好適中.芝士雞蛋卷雞蛋味好香濃，切開細細條嘅雞蛋卷，每一條都可以拉絲，係認真製作👍🏻.水冷麵酸味味嘅水冷麵令人非常開胃，欣賞呢間餐廳整嘅冷麵唔會「一餅嘢」，仲幾彈牙👍🏻👍🏻.今次食飯，大概每人$120 ，性價比都ok👍🏻絕對係火炭工廠大廈區，意想不到嘅驚喜發現😋

估唔到火炭都可以搵到久違嘅正宗韓國菜，餐廳裝修雖然有啲簡陋，但係餐廳所有店員都係韓國人，真係令人覺得好似去咗韓國食韓國餐一樣，今日叫咗一個小食拼盤，拼盤入邊係有三樣嘢食，第一個係韓式紫菜卷，第二個係辣炒年糕，第三個係紫菜粉絲卷，睇落份量唔算好大，但都夠我一個人食，味道都唔錯，下次會再嚟試吓石頭鍋飯。小食拼盤韓式紫菜卷有正宗紫菜卷風味，適中嘅麻油令到紫菜卷格外香味可口，配料亦多令到紫菜卷都好豐滿辣炒年糕唔算太辣，可能有啲就返香港人嘅味道，年糕煙煙韌韌嘅感覺，令到人想食完一條又一條紫菜粉絲卷比較一般，如果可以換另外一款食物就好啦

嘩，今日試咗間韓國店嘅招牌菜，真係好正！雖然等咗陣，但真心覺得抵嗰等。喺呢度要同大家安利下佢哋嗰石頭雜錦菜飯，真係正到彈！係咁熱辣辣，一拌滿口香，👍🏻🌶有肉有菜，層次豐富得好似齋聽粵曲嘅感覺咁濃烈。而家講返佢嗰粉絲麵併飯，驚喜！粉絲爽滑，牛肉嫩滑，撒咗一撻撻芝麻提香，一啖落口，肉香粉香，好夾呀！😋開胃嘅泡菜又係一絕，足夠辣得嚟唔過火，醃得咁啱口，正！仲有㗎，連埋個湯都係靚，清甜滋味，好飲得。哩間韓國館，真係做到平易近人，菜式香口，正宗得黎唔使太抵死食，真心推介喔！😄👌🏼

在火炭坳背灣街想找個舒服D餐廳同朋友lunch嗰度我真係唔熟, 工業區唔知係咪只有茶記誤打誤撞來到呢間K-POP SNACK外面細細，原來行去地底, 空間好大好闊落有位店員廳該是韓國人佢哋有lunch set, 不過我哋單點芝士辣炒年糕-對於我來說有點辣，但其實幾好味, 芝士係邪惡嘢加埋D辣汁幾惹味、年糕又煙煙韌韌年糕餃子湯- 個湯好鹹、胡椒味太濃, 但餃子和年糕都好味韓式牛肉紫菜卷-份量多, 牛肉無乜肉汁, 整體OK

咁岩去左火炭食韓國餐廳，係工業區個邊，餐廳裝修簡陋，整體野食性價比吾得，係工業區食飯兩個餐加埋$200連10%服務費，仲要吾好食🚁水冷麵 $7x 叫餐前，佢會比啲韓式小菜同熱茶，好有韓國風味😉 佢係冇餐跟既，水冷麵個湯正正常常，但佢個麵係蕎麥麵，所以好大陣麥味，之前食水冷麵都冇呢陣味，怪怪地🫡個人應為成份餐得個水冷麵好寡，既然$70既，如果可以跟多份細份肉，會好好多五花肉石頭飯 $10x個飯好貴🥹 啲五花肉好硬，完全吾得，咬至牙都爛😂個飯中間放有韓式辣醬，偏甜，個人覺得真係吾得味道: 6/10環境: 7/10服務: 6/10人均: $70-120

阿妹喺火炭番工，話成日同同事嚟呢度食LUNCH，抵食又好味。講左幾次，我終於搵到個星期六同佢一齊去試。四款無限添加嘅前菜無骨甜辣炸雞拼年糕 $139正常份量，炸雞唔脆，但有肉汁；雖然叫甜辣，但齋甜唔辣；年糕炸過再撈醬，外層有少少焦硬，內層煙韌，我妹最中意食佢。海鮮蔥花餅 $90煎餅賣相幾靚，而且好厚、外圈煎到脆口、急凍海鮮以魷魚為主，份量幾多。不過對於經常煮韓食嘅我嚟講，呢個餅一般😅。急凍海鮮無海鮮味、蔥無煎出香氣、雖然好厚好靚，但粉感重。牛肋骨鍋(細) $120牛肋骨有4件，大細不一；牛肉好易齒開，醬汁好甜(糖嘅甜)，食多幾啖更會覺得鹹，送飯殺手😏 另有白蘿蔔、甘筍。海鮮炸醬麵 $127海鮮有魷魚、大蝦、蜆仔、青口，都係急凍野，所以稱唔上鮮。春醬本身有肉碎、同洋蔥，配料仲有椰菜絲、青瓜絲、甘筍絲、洋蔥絲。無論海鮮定配料都好豐富，不過略嫌麵條有D碎濕濕。呢個一定要同人Share，除左因為大份之外，重點係好油，好快滯。原來星期六日有加一，餐牌價錢亦會唔同，另外可以食完先去埋單，有別於平日先埋單後食嘅做法。最後，埋單果陣記得check單，因為當日炸雞同炸醬麵各收多我$25🙉，好彩自己有計單

南亞人煮的韓國野 三隻字 好 難 食！$65加一套餐 送碗牙菜湯食到一半已經唔想再食🤢啲泡菜似擺左唔知幾耐 又酸又霉炒埋粒豬肉碎 完全唔開胃可能夜晚工廠區無乜人成間舖頭都好冷清

見出街食飯食到悶悶地，於是上網睇下外送速遞有咩好食，近近地搵左呢間韓式料理店。預早左大概11:15am點餐，約12:00pm就到達指定地點，非常快捷方便。原味炸雞拼甜酸炸雞各半隻-兩款炸雞炸得十分乾身，雞件肉質亦唔夠滑，口感有點鞋。甜酸炸雞味道相對好味。韓式芝士雞蛋卷-醬料有番茄醬及沙律醬，蛋入面夾雜著芝士，味道不錯。海鮮蔥花餅-賣相及味道都一般。牛排骨湯飯-有牛排骨，蘿白同粉絲，味道清清地配飯幾好味。泡菜炒豬肉飯-豬肉夠入味又辣辣地，好味。

隱世工廠韓國菜小店🤤一間由韓國人主理, 比較唔顯眼既小店, 抵食同好味👍🏻會想再去食-店舖比較大, 坐得幾舒服, 但始終因為開係工廠區, 比較少人堂食 而店內裝潢都好韓國feel, 牆上痴滿左韓星既poster, 而所有店員都係唔識講廣東話🤣要用英文溝通, 有一下覺得自己真係去左韓國咁✈️🍴水冷麵 $69夏天無咩胃口, 食水冷麵就最合適🥰但一上菜個時有d嚇親我🤣因為比一般係香港韓國餐廳見到既份量多好多🤣🤣抵食👍🏻仲有d雪梨片🍐同蘿蔔條配住食, 味道好夾 🍴韓式甜味蒜頭炸雞(半隻) $90一上枱個外表有d令我失望, 因為佢唔似平時d炸雞🍗咁望落脆卜卜, 可能因為比較多醬, 但其實咬落都係脆卜卜, 雞肉多汁, d醬好惹味🥰贈送配菜🍴雞蛋卷食韓國餐廳就一定有配菜贈送, 但K-Pop snack 送得有d多🤣當中比較吸引既係雞蛋卷, 好香雞蛋同葱味👍🏻

食咗呢間幾年，由細舖食到變大舖，以前睇住韓國大媽親手炸，炸雞脆卜卜，連我呢啲唔鍾意食炸雞皮嘅人都忍唔住，一個月總要揸車買幾次外賣。大約冇食半年，今日老公外賣返黎，如果唔係記得個盒，我仲以為我老公買錯！半隻原味雞，份量多少冇乜所謂，好食就得。個炸雞樣我真係一啲都見唔到脆卜卜，係咪啲炸粉貴咗要縮水，睇返其他人嘅炸雞相，我真心以為買錯。🤦🏻‍♀️🤦🏻‍♀️🤦🏻‍♀️好失望！

平時食開嘅大型韓式連鎖店，總覺得同韓國食的韓餐好大分別，今次決定試下火炭呢間小店，呢間小店係韓國人開嘅，部分職員係講英文，唔係好識廣東話，部分就係香港人餐廳位於火炭坳背灣街，係工廠區，相信主要做街坊生意，在地面行落一條小樓梯就入到餐廳，餐廳播住韓國流行歌曲，例如Brave Girls的Rollin’ ,另外亦貼滿左唔同韓星嘅海報今次就叫左韓式牛肉紫菜卷、海鮮蔥花餅、烤五花肉，飲品叫左韓國桃味氣水同埋桃子椰果特飲前菜方面，除左例牌嘅泡菜同豆芽，仲有鵪鶉蛋配蓮藕，鹹鹹地幾好食。韓式牛肉紫菜卷幾地道，都似韓國食到嘅。而五花肉放在鐵板上碟，肉下面有洋蔥加蒜頭吸油，令食落唔會太油，一層肥肉一層瘦肉，煎得剛剛好，好脆口，沾上芝麻油，唔覺唔覺好快食哂另外海鮮蔥花餅外面脆口，內層的海鮮同配菜都有咬口，推薦試左呢3樣都好食，但個人覺得飯麵類（之前試過）就一般