Brooklyn (已結業)

今日有人请我食生日饭，近近哋都系嚟新世纪呢间 Brooklyn。 之前已经嚟过食dinner同埋食下午茶，但估唔到呢度嘅 lunch set 系有自助沙律吧。 除咗一般嘅蔬菜之外，呢度都仲有炸鸡粒，而薯条都有粗幼任君选择。难得有羽衣甘蓝食。蘑菇汤都好足料，又够热，好饮。讲番主菜，我哋四个人叫咗三个餐，一个就叫all day breakfast，另一个就焗猪扒饭，我同潘博就叫软壳蟹意大利饭。上碟时见到成只软壳蟹，饭嘅份量好多。不过我略嫌 creamy 得滞。如果之前食多几碟沙律吧，根本就唔会食得晒。焗猪扒饭都好大碟，我试咗嚿猪扒，太硬了， 黐牙。All day breakfast 都几丰富。呢度环境都坐得舒适，交通又方面，以后应该会多啲帮衬。