老北京

营业中

休息中

第一次黎食午餐，以湾仔区黎讲绝对唔贵，因为每人叫个小菜，饭、粥、凉菜、生果、蕃薯/粟米都是任添，连茶芥&加一都免了，淙菜款式有3-4款，水果1-2款都几丰富，点了以下小菜：1. 水煮鱼：算系唔辣，麻味会比较多，配菜有芽菜、豆卜、莞茜等，唔系好食得辣都可以试下。2. 京味狮子头：个球整得几实，唔会好易散，有白菜&菇类做配菜，好味唔浓味。3. 京葱炒牛肉：有镬气炒得几好食，连京葱都会食埋。4. 京式回锅肉：一样有镬气，肉的份量唔少，加埋白菜炒极为惹味。5. 云吞鸡：对比以上较清淡，云吞有五只，鸡份量比想像中多，汤好清淡味唔错，还有几棵小棠菜。综合以上意见，绝对推荐大家去试下，以午餐黎讲一个价钱包茶芥加一系经济，而且上餐速度快又热辣辣，建议去之前早几日book 位，好野自然多人食。