SAVVY

今日同友人去试咗呢一间酒店嘅半自助餐，上网成日睇到人哋介绍，知道系主打东南亚款式嘅自助餐，个人觉得都比较特别，不过一直都未有机会去试。佢系半自助餐嚟嘅，我哋今次就试咗午餐。主菜都有好多选择，今次我哋拣咗呢两只主菜：🥢泰式黄咖喱鸡配白饭：黄咖喱味道唔会太过辣，配有少少椰汁嘅味道，鸡肉都嫩滑，咖喱味道恰到好处。🥢香叶萝卜炆牛肋条配白饭：萝卜好甜，牛肋条已入晒味，肉质鲜甜，熬制需时，整体感觉制作够晒时间，所以好腍。另外介绍吓出边嘅自助餐区域：有两个汤，中汤系粉葛排骨，西汤蕃茄汤另外有多款自家的面包，好新鲜。沙律区有新鲜配菜，另外亦有莎乐美肠等等… 另外海鲜都不错，有虾，，翡翠螺，大蚬，小龙虾，青口。冷盘有：榄菜四季豆，川式莲藕，陈醋木耳，辣汁鸭胸、香菇栗子等等… 食材好新鲜，冷盘类都会转款，职员服务态度很好👍🏼👍🏼👍🏼